ЎзДЖТСУда миллий кураш куни кенг нишонланди

Университет кураш залида ўтган мусобақада дастлаб беллашувларнинг тантанали очилиш  маросими ташкил этилди. 

Маросимда Ўзбекистон давлат жисмоний тарбия ва спорт университети ректори Рашид Маткаримов, Ўзбекистон белбоғли кураш федерацияси раиси Равшан Дастиров, олимпия ўйинлари совриндори, кураш ва дзюдо бўйича жаҳон чемпиони Абдулла Тангриев, ЎзДЖСТУ биринчи проректори Шерзод Мирзанов, Миллий кураш турлари назарияси ва услубияти кафедраси мудири Нуриддин Чоршамиев ва бошқалар иштирок этиб, спортчиларга омад тилашди.

– Бугун 6 сентябрь – кураш миллий спорти куни жойларда тантанали нишонланмоқда, - дейди Миллий кураш турлари назарияси ва услубияти кафедраси мудири Нуриддин Чоршамиев. – Қувонч билан таъкидлаш жоиз, миллий курашимиз дунё бўйлаб кенг қулоч ёзмоқда. Бугун ўзбек кураши дунёнинг 140 та мамлакатида ўз ўринини топган. Ўзбекистон Республикаси Президентининг 2017 йил 2 октябридаги қарорига кўра 6 сентябрь - кураш миллий спорти куни деб белгиланган.

Шу боис, ҳар йили ушбу санани муносиб тарзда ўтказиш учун университетимизда тадбир ташкил этилиб, мусобақа ўтказиш анъанага айланган. Халқимизнинг кўп минг йиллик қадриятларини ўзида мужассам этган курашни ёшлар ўртасида янада тарғиб қилиш, ўсиб келаётган ёш авлодни соғлом ва баркамол вояга етказиш, қолаверса, миллий спорт турларимиз бўйича муносиб кадрлар тайёрлаш ҳам асосий мақсадларимиздан саналади.

Муросасиз тарзда ўтган мусобақада қуйдаги  полвонлар кучли  учликдан  жой олишга муваффақ  бўлишди. 

66 кг вазн тоифаси

1. Фаёз Эргашев (ЎзДЖТСУ) 

2. Исломбек Каримов (ЎзДЖТСУ) 

3. Фирдавс Нарзуллаев (ЎзДЖТСУ) 

3. Зайниддин Низомиддинов (ЎзМУ)

73 кг вазн тоифаси

1. Ибрат Жумабоев (ЎзДЖТСУ) 

2. Элнур Нормуродов (ЎзДЖТСУ)

3. Давлатбек Ёқубов (ЎзДЖТСУ)

3. Дониёр Бахтиёров (ЎзДЖТСУ)

81 кг вазн тоифаси 

Ҳумоюн Мелимаматов (ЎзДЖТСУ)

2. Самандар Абдуғаффоров (ЎзДЖТСУ)

3. Отабек Нормуродов (ЎзДЖТСУ)

3. Темур Кенжаев (ЎзДЖТСУ)

+81 кг вазн тоифаси

1. Абубакр Абдураззоқов (ЎзДЖТСУ) 

2. Муҳаммад Саъдуллаев (ЎзМУ)

3. Мурод Нурматов (ЎзДЖТСУ)

3. Шоҳрух Шомуродов (ЎзМУ)  

Барча вазн тоифаларида медалларни қўлга киритган талаба-спортчилар диплом, медал ва эсдалик совғалари билан тақдирланишди.

Илҳом РАҲМОНОВ тайёрлади