ЎЗДЖТСУда талабалар иштирокида илмий-амалий анжуман ўтказилди

Ўзбекистон давлат жисмоний тарбия ва спорт университетининг маданият саройида ўтказилган мазкур анжуманда Халқаро кураш турлари назарияси ва услубияти кафедрасининг талабалари ва магистрлари иштирок этишди.

Анжуманда иштирок этган кафедра мудири, Ўзбекистонда хизмат кўрсатаган мураббий, доцент Шуҳрат Арслонов,  профессор Нуржан Тастанов,  самбо бўйича спорт устаси, доцент Ерлан Бойтўраев. педагогика фанлари бўйича фалсафа  фанлари доктори (PhD), доцентлар  Шухрат Турсунов, Сарвар Одилов, Жасур Ташназаров, Шукуржон Ғозиев ҳамда катта ўқитувчилар ва ўқитувчилар анжуман қатнашчиларига талабаларнинг ўзлари танлаган спорт турларининг илмий жиҳатлари хусусида маърузалар қилишди. Шунингдек,  2022 йил – “Инсон қадрини улуғлаш ва фаол маҳалла йили”да  кафедра томонидан талабалар иштирокида алоҳида дастур – режага мувофиқ  бажарилиши лозим бўлган вазифалар таҳлил қилинди. 

Бундан ташқари анжуманда кафедра талабаларининг танлаган спорт турлари бўйича илмий мавзуларининг долзарблиги, ушбу мавзуларини тўлиқ таҳлил қилиб, ёритиб берганлиги ва илмий асослангани учун юқори баҳоларга лойиқ кўрилган  самбо йўналишининг 01-20 гуруҳ талабаси Динара Шакирова биринчи ўринни эгаллади. Эркин кураш йўналишининг 01-20 гуруҳ талабаси Муътабар Боймуродова иккинчи ўринни қўлга киритган бўлса, самбо йўналишининг 51-21 гуруҳида таҳсил олаётган Мадина Аминжанова учинчи ўринга лойиқ кўрилди. Шунингдек, яна саккиз нафар  талабалар  турли йўналишларда илмий жиҳатдан  фаол бўлгани учун рағбатлантирилди. Анжуманда иштирок этган талабалар маданият саройидаги ташкил этилган музейда ҳам бўлишиб, спорт турлари тарихи, номдор спортчиларнинг халқаро спорт майдонларидаги улкан муваффақиятлари акс этган экспонатлар билан ҳам батафсил танишишди.

Илҳом РАҲМОНОВ тайёрлади