ЎЗДЖТСУ​га янги проректор тайинланди

Унда Ўзбекистон Республикаси Жисмоний тарбия ва спорт вазирнинг биринчи ўринбосари Равшан Эрматов ҳамда университет раҳбарияти ва профессор-ўқитувчилар иштирок этишди. 

Йиғилишда иштирок этган  Жисмоний тарбия ва спорт вазирнинг биринчи ўринбосари Равшан Эрматов сўнгги йилларда юртимизда жисмоний тарбия ва спортни оммалаштиришга қаратилган кенг ислоҳотлар, хусусан, мазкур университетда амалга оширилаётган кенг кўламдаги бунёдкорлик ишлари ҳақида таъкидлаб ўтди.

Шундан сўнг Равшан Эрматов Ўзбекистон Республикаси Жисмоний тарбия ва спорт вазирининг тегишли буйруғи билан  Ўзбекистон давлат жисмоний тарбия ва спорт университетининг Илмий ишлар ва инновациялар бўйича проректори лавозимига Баязитов Комил Фаритович тайинланганини ўқиб эшиттирди. 

Маълумот учун, Комил Баязитов бунгача Ўзбекистон Республикаси Вазирлар Маҳкамасининг Ижтимоий ривожлантириш масалалари котибияти бош мутахассиси лавозимида ишлаб келаётган эди. 

Комил Баязитов 1979 йилда Сурхондарё вилоятининг Термиз шаҳрида туғилган. 2004  йилда Ўзбекистон давлат жисмоний тарбия ва спорт институтини (ҳозирги Ўзбекистон давлат жисмоний тарбия ва спорт университетини) тамомлаган. 2006 йилда ушбу университетнинг магистратура босқичи тугатган. Педагогика фанлари номзоди, доцент.