“Паҳлавон авлод” спорт мажмуасида яратилган шароитлар билан яқиндан танишамиз

Таъбир жоиз бўлса айтиш керак, маҳалланинг спорт билан шуғулланиш истагида бўлган ёшлари қишнинг совуғида, ёзнинг жазирама иссиғида бир неча чақирим йўл босиб Хива шаҳридаги болалар-ўсмирлар спорт мактабига қатнашган.

“Паҳлавон авлод” оилавий корхонаси ташаббуси билан давлат-хусусий шерикчилик асосида маҳалла марказида қаровсиз қолган стадион ўрнида кўп қиррали замонавий спорт мажмуаси бунёд этилган. Мажмуада гандбол, волейбол, баскетбол, стол тенниси, бадминтон майдончалари, сунъий қопламали мини футбол майдони, кураш ва тренажёр зал, шунингдек, югуриш йўлакчаси ва узунликка сакраш сектори ҳам мавжуд. Таъкидлаш жоиз мазкур спорт мажмуа халқаро талаблар асосида жиҳозланган.
Спорт мажмуасининг яна бир эътиборли жиҳати шундаки бу ерда фаввора суҳбатлашиш айвони ва болалар аттракционларини қамраб олган “Дам олиш хиёбони” ҳам ташкил этилган.

Айни дамда бу ерда етти нафар киши доимий иш ўрни билан таъминланган. Спорт мажмуада 5 нафар тренер қўл остида 15 гурухда 180 нафар ўқувчи ёшлар (42 нафар қизлар) шуғулланиб келишмоқда. Шундан, 2 нафар олий, 3 нафари ўрта махсус маълумотга эга бўлиб, уларнинг 1 нафари 1-тоифали, 4 нафар мутахассис тренер-ўқитувчилар ҳисобланади. Таъкидлаш лозим, ушбу мураббийларнинг барчасида тренерлик фаолиятини олиб бориш учун махсус рухсатнома мавжуд.

Пахлавон авлод спорт мактабига 600 миллион сўм маблағ сарфланган ҳолда шундай кўркам ва замонавий кўринишга келган.

Пахлавон авлод спорт мактабига қарашли 25/12 ўлчамдаги 1 та спорт иншооти мавжуд бўлиб, бундан ташқари ечиниш ва душ хоналари талаб даражасида барпо этилган. 

Спорт мактабида 5 та (оғир атлетика, эркин кураш, футбол, каратэ, пауэрлифтинг) олимпия спорт тури,  3 та (оғир атлетика, эркин кураш, футбол) 2 та (пауэрлифтинг, каратэ ) ноолимпия спорт турлари фаолият кўрсатаётган бўлиб, иншоотнинг бир кунлик 180 нафар ўқувчини ўз бағрига сиғдира олади.

2019 йилдан шу кунга қадар спорт мактабида шуғулланувчи ёшлар Ўзбекистон чемпионати ва кубогларида иштирок этиб 2 та олтин, 2 та кумуш ҳамда 4 та бронза медалларини қўлга киритишган.

Эндиликда Хива туман “Гулшан” маҳалласида бунёд этилган мажмуадан “Оқёп”, “Қорақум”, “Эски” “Қиёт”, “Бўстон” ва “Дошёқ” маҳаллалари аҳолиси фойдаланиши мумкин.