10 мар 08:26
Янгиликлар

Енгил атлетика

Пара-атлетикачиларимизнинг лицензион турнири бекор қилинди

14-17 март кунлари БААнинг Дубай шаҳрида Токио-2020 Паралимпия ўйинларига йўлланма берувчи Гран-при турнири ўтказилиши белгиланган эди.

Бироқ бутун дунёга хавф солаётган коронавируси сабаб мазкур мусобақа ҳам бекор қилинди. Халқаро Паралимпия қўмитаси ушбу турнир қачон ва қаерга қолдирилгани борасида аниқ маълумот бермаган.

Ўзбекистон терма жамоаси вакиллари Дубай шаҳрида мазкур мусобақага ҳозирлик кўрган эди. Бугун делегациямиз Дубайдан Тошкентга қайтиб келади. Лицензион турнирнинг бекор қилиниши атлетларимизнинг спорт формасига асло таъсир ўтказмайди. Вакилларимиз ўқув-машғулот йиғинлари орқали жисмоний ҳолатларини юқори маромда ушлаб туришади.