Пара дзюдочиларимиз илк кунги баҳсларда 5 та медаль қўлга киритишди ФОТОГАЛЕРЕЯ

Дунёнинг 35 давлатидан 212 нафар пара дзюдочи иштирок этаётган нуфузли мусобақада Ўзбекистон терма жамоаси аъзолари ҳам юртимиз шарафини ҳимоя қилишяпти. 

Қувонарлиси, мусобаканинг биринчи кунги баҳсларидаёқ дзюдочиларимиз жами 5 та медални қўлга киритишди, шундан 2 таси олтин! Эркаклар ўртасидаги баҳсларда -73 кг вазн тоифасида иштирок этган Феруз Саидов, -81 кг вазнда татамига чиққан Давурхон Кароматов барча рақибларини мағлуб этиб, шохсупанинг энг юқори поғонасига кўтарилишди. 

Аёллар ўртасидаги беллашувларда эса Лобар Хуррамова (-48 кг), Севинч Салаева ((-52 кг) ва Парвина Самандарова (-57 кг) терма жамоамиз ҳисобига бронза медалларини қўшиб қўйишди. 

Биринчи кунги баҳслар якунига кўра Ўзбекистон пара дзюдо терма жамоаси 2 та олтин, 3 та бронза медали билан умумжамоа ҳисобида иккинчи ўринни эгаллаб турибди. Учтадан олтин, кумуш ва бронза медалларини қўлга киритган Озарбайжон терма жамоаси бу борада пешқадам. Кучли учликка биттадан олтин, кумуш ва бронза медалига сазовор бўлган Украина терма жамоаси якун ясаган.