Пара дзюдочимиз Ҳосият Позилжонова тақдирланди

Ушбу мусобақада Ўзбекистон терма жамоаси ҳам муваффақиятли тарзда иштирок этиб, 2 та олтин, 2 та кумуш, 2 та бронза медалини қўлга киритганди. Шоҳсупага кўтарилганлар орасида андижонлик Ҳосият Позилжонова ҳам бор эди. J1 йўналишининг -57 кг вазн тоифасидаги беллашувларида татамига чиққан Позилжонова бронза медалига сазовор бўлди. 

Муборак Рамазон кунлари Сардорбек Раҳмонов бошчилигидаги Андижон вилоят дзюдо федерацияси мутасаддилари 1-Болалар ва ўсмирлар спорт мактаби тарбияланувчиси ҳисобланган Ҳосият Позилжонованинг хонадонида бўлишди ҳамда совға сифатида автомат кир ювиш машинаси тақдим этилди.  

Маълумот учун, Ҳосият Позилжонова мусобақага Шокиржон Исамутдинов мураббийлигида тайёргарлик кўради.