15 авг 10:59
Янгиликлар
Париж-2024, Паралимпия
Пара енгил атлетика ва пара сузиш бўйича терма жамоамиз Францияда машғулотларга киришди
Париж-2024 ХVII ёзги Паралимпия ўйинлари бошланишига тобора оз фурсатлар қолмоқда.
Айни кунларда мусобақада иштирок этувчи терма жамоаларимиз ҳам ўзларининг сўнгги тайёргарлик босқичини бошлаб юборишган.
Жумладан, Паралимпия ўйинларига энг кўп лисензия қўлга киритган пара енгил атлетика ва пара сузиш бўйича миллий терма жамоа аъзолари шу кунларда Франция давлатида сўнгги адаптив машғулотларни олиб боришмоқда. Терма жамоа мураббийлари ҳам спортчилар иқлимга мослашиб олишлари учун махсус дастур асосида тайёргарликни давом эттиришмоқда.
Эслатиб ўтамиз, Париж-2024 Паралимпия ўйинларининг пара енгил атлетика мусобақалари 30 августдан 7 сентябрга қадар, пара сузиш баҳслари эса 29 августдан 7 сентябрга қадар бўлиб ўтади.
Ҳавола :
Манба : paralympic.uz
Фикрлар