Пара-енгил атлетикачиларимиз Дубай Гран-Присини 24 та медаль билан якунлашди

Бутун мусобақа давомида муваффақиятли қатнашган вакилларимиз сўнгги кун беллашувларини ҳам сермаҳсул ўтказишди.

Ушбу кун дастурида стартга чиққан атлетларимиз 4та олтин, 2та кумуш ва 2та бронза медалларига сазовор бўлдилар. Ҳамюртларимиздан Сабина Суханова (югуриш), Асила Мирзаёрова (узунликка сакраш), Нурхон Қурбонова (найза улоқтириш) ва Маъруфжон Муродуллаев (югуриш) делегациямиз ҳисобига олтин медалларни қўшиб қўйишди. Мусобақанинг сўнгги кун ғолиб ва совриндорлари:

Сабина Суханова (югуриш T37) – Олтин

Асила Мирзаёрова (узунликка сакраш T11) – олтин

Нурхон Қурбонова (найза улоқтириш F54) – олтин

Маъруфжон Муродуллаев (югуриш T46) – олтин

Дилафруз Аҳмадхонова (ядро улоқтириш F35)  – кумуш

Моҳигул Ҳамдамова (ядро улоқтириш F57)  – кумуш

Кубаро Ҳакимова (найза улоқтириш F41) – бронза

Омад Ҳасанов (баландликка сакраш T46) – бронза

Шу тариқа, пара-енгил атлетика бўйича Ўзбекистон терма жамоаси Дубай Гран-присида 13 та олтин, 5 та кумуш ва 6 та бронза, жами 24 та медаль қўлга киритди. Бу билан вакилларимиз Токио-2020 Паралимпия ўйинлари учун ўта муҳим рейтинг очколарини ҳам жамғариб олишди.