23 янв 10:35
Янгиликлар
Паралимпия
Пара енгил атлетикачиларимиз Таиланддаги халқаро турнирда 3 та олтин медални қўлга киритди
Пара енгил атлетика бўйича Ўзбекистон терма жамоаси аъзолари Таиланддаги халқаро мусобақада иштирок этди.
Мусобақанинг сўнгги куни вакилларимиз учун муваффақиятли кечди.
Хусусан, эркаклар ўртасида F42 классида ядро улоқтириш дастурида қатнашган ҳамюртимиз Муҳаммад Рихсимов ҳамда Т44-64 классида баландликка сакраш дастурида баҳс олиб борган вакилимиз Темур Гиязов олтин медалга сазовор бўлди.
Эслатиб ўтамиз, бундан олдин Т13 классида узунликка сакраш бўйича бошқа бир ҳамюртимиз Дониёр Аҳмедов ҳам олтин медални қўлга киритган эди.
Шу тариқа, терма жамоамиз Таиланддаги халқаро турнирни 3 та олтин медаль билан якунлади.
Ҳавола :
Манба : paralympic.uz
Фикрлар