13 дек 12:26
Янгиликлар

Ўқ отиш, Паралимпия

Пара ўқ отиш бўйича Ўзбекистон чемпионатида ғолиблар аниқланди

Пойтахтимиздаги Марказий ҳарбий спорт клуби ўқ отиш марказида пара ўқ отиш бўйича Ўзбекистон чемпионати бўлиб ўтди.

Бу галги мамлакат биринчилигида 30 нафарга яқин мерганлар 10 метр масофага тўппончадан ва милтиқдан отиш дастурларида ўзаро баҳс олиб боришди.

Якуний натижаларга кўра, Тошкент шаҳри, Қорақалпоғистон Республикаси ҳамда Наманган вилояти вакилларига тенг келадиган рақиб топилмади ва асосий ўринлар ҳам айнан шу жамоа аъзоларига насиб қилди.

Қайд этиш керак, бу галги Ўзбекистон чемпионатида Шахноза Мамажонова, Маҳмудахон Собирова каби терма жамоамизнинг етакчи спортчилари ўз йўналишларида тенгсиз эканликларини яна бир бор исботлашди.