27 сен 07:30
Янгиликлар

Паралимпия

Пара ўқ отиш: Париж-2024 Паралимпия ўйинларига навбатдаги лицензия қўлга киритилди!

Теглар : Пара ўқ отиш Шаҳноза Мамажонова

Хабар берганимиздек, айни кунларда Перу давлати пойтахти Лима шаҳрида пара ўқ отиш бўйича жаҳон чемпионати бўлиб ўтмоқда.

Биз учун қувонарлиси, аёллар ўртасида P2 классида 10 метр масофага тўппончадан отиш баҳсларида ҳамюртимиз Шахноза Мамажонова кучли бешликдан жой олди ва ушбу натижа орқали Париж-2024 ёзги Паралимпия ўйинларига тўғридан-тўғри лицензияни қўлга киритди.

Бундан ташқари вакилимиз жаҳон чемпионатида ўз классида осиёлик спортчилар орасида энг яхши натижани қайд этди.

Эслатиб ўтамиз, бундан аввал бошқа бир спортчимиз Сервер Ибрагимов ҳам пара ўқ отиш бўйича Париж-2024 ёзги Паралимпия ўйинларига лицензияни қўлга киритган эди.

Энди мусобақанинг эртанги кунги дастурида эркаклар ўртасида P1 классида 10 метр масофага тўппончадан отиш бўйича баҳсларда яна бир ҳамюртимиз Азиз Ибрагимов иштирок этади.