Пара Осиё ўйинлари-2025 ҳам Тошкентда ўтказилмайди

Аслида, ҳар икки мусобақа 2025 йилда Тошкент шаҳрида ўтказилиши керак эди. Бироқ ўйинлар учун қад ростлаётган Олимпия шаҳарчасида қурилиш ишлари кечиккани ва мусобақа стартига қадар спорт мажмуалари шай ҳолатга келишининг имконсизлиги туфайли Ўзбекистон Миллий Олимпия қўмитаси Осиё Олимпия кенгашига вазият бўйича хат юборган.

Шундан сўнг, ООК Ижроия қўмитаси бугун ўтказилган йиғилиш давомида ўйинлар мезбони ўзгарганини хабар қилди.

Маълум бўлишича, пойтахтимиз Ёшлар ўртасидаги III Осиё ўйинлари билан биргаликда V Пара Осиё ўйинларини ҳам ўзида қабул қилмайди. Пара ўйинлар қайси шаҳарда ўтказилиши бўйича ҳозирча маълумот берилмади.