Пара пауэрлифтинг. Матонатли атлетларимиз жаҳон чемпионатида 7 та медаль қўлга киритишди, 4 таси ОЛТИН!

Ўғил болалар ўртасида -88 кг вазн тоифасида кечган баҳсларда иштирок этган ҳамюртимиз Жасурбек Йўлдошев 135 кг натижа билан олтин медални қўлга киритди. 

-55 кг вазн тоифаси баҳсларида иштирок этган вакиламиз Руҳшона Ўктамова 95 кг натижа билан олтин медални қўлга киритди. Яна бир қувонарли жиҳати шундаки, спортчимиз ушбу натижа орқали Осиё рекордини ҳам янгилашга муваффақ бўлди.

 -59 кг вазн тоифасида юртимиз шарафини ҳимоя қилган Фирдавс Ботиров 88 кг натижа билан кумуш медалга сазовор бўлди.

-72 кг вазн тоифасида беллашган ҳамюртимиз Умиджон Арзиматов 110 кг натижа қайд этган ҳолда ғолиблик шоҳсупасига кўтарилди.

Шу тариқа, Ўзбекистон спорт делегацияси ҳисобидаги медаллар сони 7 тага етди: 4 та олтин, 1 та кумуш ва 2 та бронза. Терма жамоамиз медаллар жамғариш бўйича Қозоғистон, Озарбайжон, Украина, Миср каби давлатларни ортда қолдириб, умумжамоа ҳисобида биринчи ўринни эгаллади.