12 май 19:13
Янгиликлар
Паралимпия
Пара пауэрлифтингчиларимиз Жаҳон кубогида тенгсиз бўлди!
Уч кун давомида Таиланднинг Паттая шаҳри мезбонлик қилган пара пауэрлифтинг бўйича Жаҳон кубоги ўз ниҳоясига етди.
Мусобақанинг сўнгги кунида аралаш жамоавий беллашувлар ўтказилди. Қувонарлиси, Нуриддин Давлатов, Азизбек Турғунов ҳамда Қудратой Тошпўлатовадан иборат жамоамиз 314,70 очко жамғарган ҳолда 1-ўринни эгаллади ва делегациямиз ҳисобига олтин медални қўшиб қўйди. Аралаш жамоавий баҳсларда терма жамоамиздан сўнг кучли учликдан Жанубий Корея ва Таиланд терма жамоалари жой олди.
Шу тариқа Ўзбекистон терма жамоаси аъзолари Таиланддаги Жаҳон кубогини 6 та олтин, 2 та кумуш, 3 та бронза, жами 11 та медал билан якунлади ва Париж-2024 ёзги Паралимпия ўйинлари лицензияси учун муҳим рейтинг очколарига эга бўлди.
Ҳавола :
Манба : paralympic.uz
Фикрлар