Пара-пауэрлифтингчиларимиз лицензион мусобақага тайёргарлик кўришяпти

Жумладан, февраль-март ойларида ушбу спорт тури бўйича Таиландда лицензион очко берувчи мусобақада ўтказилиши белгилаб қўйилган эди. Бироқ мусобақа номаълум муддатга қолдирилди.

Шундан бўлса-да, терма жамоамиз вакиллари ўзларининг юқори спорт формасини ушлаб туришибди. Айни пайтда спортчиларимиз Тошкент шаҳрида ўқув-машғулот йиғинини олиб боришмоқда. Йиғинда Паралимпия ўйинлари йўлланмасига асосий даъвогарлик қилаётган 4 нафар спортчимиз жалб қилинган.

“Ҳозирда Ўзбекистон енгил атлетика федерациясининг базасида йиғин олиб бормоқдамиз. Ушбу йиғинимиз келаси ой бўлиб ўтадиган лицензион мусобақага тайёргарликнинг асосий босқичи вазифасини ўтаб беради. Унда йўлланмага асосий даъвогар бўлган 4 нафар спортчини жалб қилганмиз. Машғулотлар учун барча шароитлар яратиб берилган бунинг учун ҳукуматимизга раҳмат деб қоламиз”, – деди терма жамоа мураббийи Фазлиддин Умрзоқов.

Эслатиб ўтамиз, ушбу спорт тури бўйича лицензион мусобақа 13-22 апрель кунлари БААнинг Дубай шаҳрида бўлиб ўтиши белгилаб қўйилган.