Пара сузувчиларимиз жаҳон чемпионатида қатнашиш учун Лондонга учиб кетишди

Ушбу мусобақада дунёнинг 60 дан ортиқ мамлакатидан 600 нафага яқин спортчи иштирок этади, деб хабар бермоқда Ўзбекистон паралимпия ассоциацияси матбуот хизмати. 

Таъкидлаш керакки, ушбу жаҳон чемпионати келгуси йил Токиода бўлиб ўтадиган Паралимпия ўйинларига лицензия бериши билан аҳамиятлидир.

Пара сузувчиларимиз ўтган ой жаҳон чемпионатига муносиб тайёргарлик кўриш мақсадида Беларуснинг Брест шаҳрида ўқув-машғулот йиғинини ўтказиб қайтишгани ҳақида хабар берган эдик. Ушбу бир ойлик ўқув-машғулот йиғини давомида терма жамоамиз аъзолари хорижлик рақиблари билан тажриба алмашиш имкониятига эга бўлдилар.

Жаҳон чемпионатига йўл олган сузувчиларимиз:

Шохсанам Тошпўлатова

Музаффар Турсунхўжаев

Нигора Мирзоҳидова

Фирдавс Мусабеков

Кирил Панков

Дмитри Хорлин

Ислом Асланов