Параканоэчимиз Польшадаги Жаҳон кубогида ғалаба қозонди

Ушбу спорт тури билан шуғулланувчилар учун бошланган мавсумнинг илк мусобақасида 20 га яқин мамлакат вакиллари қатнашмоқда

Қувонарлиси, кеча ўтказилган беллашувлар терма жамоамиз учун муваффақиятли якунланди. KL3W қайиғида 200 метр масофага кечган беллашувда ҳамюртимиз Шаҳноза Мирзаева марра чизиғини биринчи бўлиб кесиб ўтди ва олтин медални қўлга киритди. Спортчимиз масофани босиб ўтиш учун 48.217 сония сарфлади.

Параканоэ, Жаҳон кубоги. Польша
KL3W, 200 метр. Аёллар

1. Шаҳноза Мирзаева (Ўзбекистон) – 48.217

2. Лаура Шугар (Буюк Британия) – 48.821

3. Аманда Рейнольдс (Австралия) – 50.941

Мусобақа 26 май куни якунига етади. Яна 2 кун давом этадиган мазкур босқич доирасида терма жамоамизнинг бир қатор вакиллари ҳам ўз йўналишларида иштирок этиши кутилмоқда.