17 сен 09:20
Янгиликлар
Паралимпия. 30та медал билан умумжамоа ҳисобида 16-ўриндамиз!
Хабар берганимиздек, шу куни сузиш ва енгил атлетика спорт турларидаги терма жамоамиз аъзолари шохсупадан жой ола билишмади. Айни пайтга келиб, Ўзбекистон Паралимпия терма жамоаси ҳисобида 7та олтин, 6та кумуш, 17та бронза, жами 30та медал бор. Ушбу натижаси эвазига терма жамоамиз умумжамоа ҳисобида 12-ўриндан 16-поғонага пастлади.
Биздан аввалги ўринда бораётган Польша, Канада, Эрон ва Испания терма жамоалари ҳисобида ҳам 7тадан олтин медал бор. Тўқсон тўртта олтин, 74та кумуш, 49та бронза, жами 217та медал жамғарган Хитой терма жамоаси ҳамон катта фарқ билан пешқадамликни давом эттирмоқда.
Иккинчи поғонадаги Буюк Британия Паралимпия терма жамоаси ҳисобида жами 126та медал бор. Шулардан 58таси олтин, 33таси кумуш, 35таси бронза медалидир. Кучли учликка Украина терма жамоаси 38та олтин, 33та кумуш, 35та бронза медали билан якун ясаган.
Фикрлар