Паралимпия. 8та олтин, умумий 31та медал билан 15-ўриндамиз!

Хабар берганимиздек, шу куни терма жамоамиз ҳисобидаги медаллар сони яна биттага кўпайди. Аниқроғи, Паралимпия ўйинлари ғолиби бўлган атлетларимиз сони 8 нафарга етди.

Айни пайтга келиб, Ўзбекистон Паралимпия терма жамоаси ҳисобида 8та олтин, 6та кумуш, 17та бронза, жами 30та медал бор. Ушбу натижаси эвазига терма жамоамиз умумжамоа ҳисобида 16-ўриндан 15-поғонага кўтарилди.

Биздан аввалги ўринда бораётган Канада ва Испания терма жамоалари ҳисобида ҳам 8тадан олтин медал бор. Бир юз бешта олтин, 81та кумуш, 51та бронза, жами 237та медал жамғарган Хитой терма жамоаси ҳамон катта фарқ билан пешқадамликни давом эттирмоқда.

Иккинчи поғонадаги Буюк Британия Паралимпия терма жамоаси ҳисобида жами 147та медал бор. Шулардан 64таси олтин, 39таси кумуш, 44таси бронза медалидир. Кучли учликка Украина терма жамоаси 41та олтин, 37та кумуш, 39та бронза медали билан якун ясаган.