Паралимпия ўйинлари. Сервер Ибрагимов делегациямизга яна бир медаль тақдим этди

Бугун мусобақа доирасида 50 метрга тўппончадан отиш баҳслари бўлиб ўтди. 

Мусобақада финалгача етиб борган ҳамюртимиз Сервер Ибрагимов 215,3 очко жамғарган ҳолда иккинчи натижани қайд этди ва кумуш медални қўлга киритди. 

Бу борада биринчи ўринни хитойлик Чао Янг, учинчи ўринни эса италиялик Давид Франкечетти банд этди. 

Шу тариқа, Ўзбекистоннинг мазкур Паралимпиададаги медаллари сони 15 тага етди. Делегациямиз ҳисобида 6 та олтин, 5 та кумуш ва 4 та бронза медали бор.