Паралимпия ўйинларида зафар қучганлар билан учрашув ўтказилди + ФОТО

Паралимпия ўйинлари чемпиони, университет битирувчиси Толлибой Йўлдошев, совриндор Кубаро Ҳакимова, университетнинг Енгил атлетика, биатлон назарияси ва услубияти кафедраси доценти, енгил атлетика бўйича Ўзбекистон миллий паралимпия терма жамоаси мураббийи Иброхимжон Юсупов, мураббийлар Сардор Абдуҳолиқов, Яҳёбек Якубов ҳамда уларнинг ота-оналари олийгоҳ ўқитувчилари, талабалари билан мулоқот чоғида Парижда ўтган ёзги Паралимпия ўйинларидаги таассуротлар, куни кеча давлатимиз раҳбари қабулида бўлган ҳаяжонли дақиқалар ҳақида сўзлаб беришди.

Суҳбат давомида Ўзбекистон давлат жисмоний тарбия ва спорт университети ректори Рашид Маткаримов Паралимпия ўйинларида ўзининг азму шижоати ва маҳорати, мустаҳкам ирода ва жасоратини намоён этиб, Ватанимиз тарихида мислсиз натижаларга эришган терма жамоамиз аъзолари қаторида университет битирувчи талабалари борлиги олийгоҳдаги барчага катта ғурур ва ифтихор бағишлаши, шу билан бирга мамлакатимизда жисмоний тарбия ва спортни ривожлантириш, малакали кадрларни тайёрлаш, спорт илмини юксалтириш ҳамда соғлом турмуш тарзини тарғиб қилишда университетнинг аҳамияти улкан эканлигини, ёзги Паралимпия ўйинларида ғолиб ва совриндор бўлган спортчилар ҳамда талаба-спортчиларнинг қўшма машғулотларини ташкил этиш, мастер-класслар ўтказиш тўғрисида фикр-мулоҳазалар билдирилди.