09 окт 08:19
Янгиликлар

Сув спорти турлари, Осиё ўйинлари

Параосиё ўйинлари. Сузувчиларимиздан кетма-кет бешта медаль!

Индонезия пойтахти Жакарта шаҳрида III Параосиё ўйинлари давом этмоқда.

Бунгача дзюдо, енгил атлетика, пауэрлифтингчиларимизнинг муваффақиятлари ҳақида хабар қилгандик. Энди эса сузувчиларимиз терма жамоамизга кетма-кет медаллар шодасини тақдим этишди. 100 метрга эркин усулда сузиш баҳсларида эркаклар ўртасида шоҳсупадан бизнинг спортчилар ўрин олишди.

Ислам Асланов маррага биринчи бўлиб етиб келди ва олтин медаль қўлга киритиши баробарида Параосиё ўйинлари рекордини ҳам ўрнатди. Ундан кейинги ўринларни мос равишда Музаффар Турсунхўжаев ва Дмитрий Хорлинлар эгаллашди. Ҳудди шу йўналишнинг аёллар ўртасидаги баҳсларида Фотимахон Омиловага тенг келадиган рақиб топилмади. Кумуш медалга эса Шоҳсанамхон Тошпўлатова эга чиқди.

Шу тариқа, Ўзбекистон терма жамоасининг Параосиё ўйинларидаги медаллари сони 20тага етди. Уларнинг 12таси олтин медаль эканлигини алоҳида қайд этиш лозим. Кумуш медаллар сони 5та бўлса, ҳамюртларимиз яна 3та бронза медалларига сазовор бўлганлар.

Медаллар жамғариш рейтингида Ўзбекистон терма жамоаси Хитой ва Жанубий Кореядан сўнг учинчи ўринни эгаллаб турибди.

Ҳавола :

Манба : olympic.uz

Рейтинг: +1

15:17

Али Лажами: “Ўзбекистонга қарши ғалаба қозониб, ФИФА рейтингидаги ўрнимизни яхшиламоқчимиз” 0

11:40

Спорт — миллат саломатлиги, илм-фан ва камолот омили! 0

08:03

Фабио Каннаваро: "Ҳисоб 2:0 пайти "моторни ўчириб қўйдик". Футбол баъзида бешафқат эканини тушунишимиз керак" (Тўлиқ матбуот анжумани) 0

Фикрлар

< сўнгги янгиликларни кўриш

09 окт 08:19 Янгиликлар

Параосиё ўйинлари. Сузувчиларимиздан кетма-кет бешта медаль!

Ўхшаш янгиликлар

09 окт 08:19
Янгиликлар