Париж-2024. Тарихда илк бор велоспорт баҳсларида икки аёл спортчимиз қатнашади

Велоспорт бўйича терма жамоамиз мусобақа учун шоссе йўналишида тарихда илк бор тўртта йўлланмага эга чиққан. Уларнинг уч нафари аёллар, яна бири эркаклар учун. Шунингдек, Олимпиадада биринчи маротаба икки нафар аёл велоспортчимиз иштирок этаётганини ҳам таъкидлаш зарур.

Аёллар ўртасида индивидуал вақт учун алоҳида старт дастурида фақатгина Ольга Забелинская қатнашса, гуруҳ пойгасида Ольгага ёш спортчи - Янина Кускова ҳамроҳлик қилади. Эркаклар ўртасидаги гуруҳ пойгасида эса юртимиз шарафини Дмитрий Бочаров ҳимоя қилади. 

Кускова ҳамда Бочаров учун бу фаолиятидаги илк Олимпиада бўлса, Забелинская ўзининг тўртинчи Олимпия ўйинларида қатнашади.

Велоспотчиларимизнинг мусобақадаги тақвими:

27 июль:

Ольга Забелинская (аёллар ўртасида индивидуал вақт учун алоҳида старт дастурида).

3 август:

Ольга Забелинская ва Янина Кускова (аёллар гуруҳ пойгасида).

4 август:

Дмитрий Бочаров (эркаклар гуруҳ пойгасида).