Париж "Катта Дубулға" турнири учун таркибимиз тасдиқланди

Айни пайтга қадар мукофот жамғармаси 154 000 еврони ташкил этувчи ушбу турнирда қатнашиш истагини дунёнинг 4 қитъаси 49 давлатидан жами 279 (148 эркак, 131 аёл) нафар дзюдочи билдирган. Улар орасида терма жамоамизнинг 3 нафар дзюдочиси ҳам бор. 

Мураббийлар штаби қарорига кўра, сўнгги Олимпиада манзили татамиларида Баҳром Ботуров (-60 кг), Шаҳрам Аҳадов (-73 кг) ва Ўткирбек Тўрабоев (+100 кг) медаллар учун баҳс олиб боради. Қолган дзюдочиларимиз Боку ва Тошкент "Катта Дубулға" турнирларига тайёргарликни давом эттиришади. 

Дарвоқе, айнан Париж "Катта Дубулға" турнири доирасида бир нечта номинация бўйича 2024 йилги мавсумнинг энг яхшилари эълон қилинади. IJF томонидан ўтказилаётган ушбу сўровноманинг бешта номинациясида бизникилар ҳам бор. 

Париж "Катта Дубулға" турнирига борадиган таркиб:

-60 кг: Баҳром Ботуров 

-73 кг: Шаҳрам Аҳадов 

+100 кг: Ўткирбек Тўрабоев

Мураббий - Искандар Расулов

Шифокор - Санжар Усманалиев