Париж "Катта Дубулға" турнирининг биринчи кунги баҳсларидан сўнг медаллар жамғариш бўйича нечанчи ўриндамиз? (ФОТО+ЖАДВАЛ)

Кеча мусобақанинг илк куни икки нафар дзюдочимиз баҳсларга киришиб, уларнинг ҳар иккиси ҳам шоҳсупага кўтарилди. Шаҳрам Аҳадов барча рақибларини мағлубиятга учратиб, турнир олтин медали ҳамда жаҳон рейтинги учун қимматли 1000 очкога эга бўлди. Бронза медали соҳиби Баҳром Ботуров эса 500 рейтинг очкосини ўз ҳисобига ёзиб қўйди. 

Биринчи кун натижаларига кўра, медаллар жамғариш бўйича Япония терма жамоаси 3 та олтин, 2 та кумуш, 2 та бронза медали билан 1-ўринни эгаллаб турибди. Франция терма жамоаси иккинчи поғонадан жой олган. Мезбонлар 2 та олтин, 3 та кумуш, 5 та бронза медалига эга чиқишди. Озарбайжон ва Ўзбекистон терма жамоалари 1 та олтин, 1 та бронза медали билан учинчи ҳамда тўртинчи ўринни банд этган. Айнан мана шу тўрт терма жамоа сафида камида бир нафардан чемпион бор.