Парижда ўтган Bellator турнирининг марказий жанги ғолибини ҳакамлар аниқлаб беришди

Bellator Championship Series 2 оқшомининг марказий жанги энг енгил вазн тоифасида  Bellator чемпиони, америкалик Патрик Микс россиялик аралаш яккакураш устаси Магомед Магомедовга қарши октагонга кўтарилди.

Тўлиқ давом этган жангда Патрик Микс ҳакамларнинг айри қарори билан ғалаба қозониб, чемпионлик камарини ўзида олиб қолди. Микс иккинчи ўзаро жангда ҳам Магомедовни таслим эта олди.

Маълумот учун, 30 ёшли Патрик Микс 28 ғалаба ва 1 мағлубиятга эга. У ҳозир 7 та ғалабали серия билан келмоқда. Bellator промоушенида 2019 йилдан бери ўз жангларини ўтказяпти. 32 ёшли Магомед Магомедов эса 20 ғалаба ва 4 мағлубият қайд этган. Магомед охирги 3 та жангининг 2 тасида зафар қучган. 2020 йилда Bellator`га келган Магомедов унгача АСВ ва М-1 Global лигаларида жанг қилган.