10 май 18:08
Янгиликлар
Спорт курашлари
Парижга бир қадам қолди! Лайлохон Собирова лицензион турнирнинг ярим финалига йўл олди
Туркиянинг Истанбул шаҳрида спорт курашлари бўйича Жаҳон лицензион турнири давом этмоқда.
Хабар берганимиздек, мусобақада бугун аёллар кураши беллашувлари ўтказилмоқда.
Қувонарлиси, ҳамюртимиз Лайлохон Собирова (-57 кг) турнирнинг ярим финал босқичига йўл олди. У бироз олдин якунланган чорак финал жангида кубалик Санц-Вердецияни туше усули билан мағлубиятга учратди. Эндиликда спортчимиз яна бир ғалаба орқали Париж-2024 Олимпиадасига йўлланмани нақт қилиши мумкин. Собировага бу баҳсда бразилиялик Жуллия Оливейра рақиблик қилади.
Шоҳида Аҳмедова ҳамда Набира Есенбаева эса афсуски, турнирни мағлубият сабабли тарк этишга мажбур бўлди.
Ҳавола :
Манба : olamsport.com
Фикрлар