02 ноя 18:14
Янгиликлар

Теннис

Paris Masters. Даниил Медведевда кутилмаган мағлубият

Дунёнинг учинчи ракеткаси Даниил Медведев Париж "Мастерс" турнирининг илк учрашувидаёқ мағлубиятга учради.

Россиялик теннис устаси иккинчи даврада рейтингнинг 17-поғонасидан жой олган болгариялик Григор Димитровга имкониятни бой бериб қўйди - 3/6, 7/6(4), 6/7(2). Григор ўтган ҳафта Венадаги мағлубият учун Даниилдан реванш олди.

Теннисчиларнинг ўзаро учрашувларида ҳамон Медведев олдинда бормоқда - 6:3. Беш дақиқаси кам уч соат давом этган баҳсда Медведев 6, Димитров 8 та эйс зарбасини амалга оширган. Қўшхатолар табиийки, Даниилда кўпроқ бўлди - 8 га 2. Брейклар бўйича устунлик 4 га 3 кўринишида Григор фойдасига!

Энди Димитров Rolex Paris Masters турнирининг навбатдаги босқичида қозоғистонлик Александр Бубликка қарши кортга чиқади.