14 сен 15:48
Янгиликлар

Бошқалар

Пауэрлифтинг: Спортчиларимиз Осиё ва Океания чемпионатида 2 та олтин медални қўлга киритишди

5-14 сентябр кунлари Япониянинг Китакюшу шаҳрида пауэрлифтинг бўйича Осиё ва Океания чемпионати бўлиб ўтди.

Мазкур мусобақада минтақанинг 29та давлатидан 200 нафарга яқин спортчи совринли ўринлар учун кураш олиб боришди. Қувонарлиси, баҳсларда иштирок этган икки нафар атлетимиз олтин медалга сазовор бўлди.

Ёшлар ўртасида кечган баҳсларда -50 кг вазн тоифасида иштирок этган Муслима Нуриддинова 72кг тошни кўтариб, биринчи ўринни эгаллади. Катталар ўртасида бўлиб ўтган беллашувларда эса -55кг вазн тоифасида Роза Қўзиева 115 кг натижа кўрсатиб, олтин медаль соҳибасига айланди.

Миллий олимпия қўмитаси ушбу муваффақият билан спортчиларимиз ва уларнинг мураббийларини табриклаб қолади.