25 окт 13:05
Янгиликлар

Бокс/ММА

Пауло Коста кечаги мағлубиятидан сўнг вазнини ўзгартирди

Кеча тонгда Лас-Вегас шаҳрида ўтказилган UFC Fight Night 196 турниридаги мағлубиятидан сўнг Пауло Коста яримоғир вазн тоифасига ўтказилди.

У италиялик Марвин Ветторига очколар ҳисобига кўра имкониятни бой берганди. Ваҳоланки, жангда Пауло Коста рақибидан 5 килограммга оғирроқ эди. Бу маълумотни UFC президенти Дана Уайт ҳам тасдиқлади.

"Жанг куни Веттори 208 фунт (94.3 кг), Коста эса 220 фунт (99.8 кг) вазнга эга эди. Тафовут бу даражага етган пайтда қарорни биз чиқарамиз. Пауло Коста энди яримоғир вазн тоифасида октагонга чиқади", - деди Уайт.

Шунингдек, UFC раҳбари вазн тафовутига қарамай, жангни сақлаб қолган Марвин Ветторига ўз миннатдорчилигини билдирди.