Пауло Коста UFC "қафаси"ни тарк этишга тайёр

Бу ҳақда бразилиялик жангчи ўзининг ижтимоий тармоқдаги саҳифалари орқали хабар берди.

"UFC билан шартнома бўйича битта жанг ўтказишим керак. Шу билан промоушен билан келишувим якунига етади. Менга 6 та жангдан иборат янги шартнома таклиф қилишди. Мен рози бўлмадим. Узоқ муддатли келишувлар мени қизиқтирмайди. Яширмайман, тезроқ эркин агент бўлишимни кутяпман. Мен юқори даражадаги жангчиман. Лекин шунга яраша ҳақ олмаяпман. Марвин Веттори билан ўтказган жангим учун 35 минг доллар гонорар олдим. Камига 20 фоиз жаримага ушлаб қолишди. Ҳозирги шартнома бандлари мени қониқтирмайди", - деди Коста. 

Эслатиб ўтамиз, Роберт Уиттакер - Пауло Коста жанги 12 февраль куни Австралиянинг Перт шаҳрида ташкил этиладиган UFC 284 турнири доирасида ўтказилади.