"Пахтакор" футболчиси "Женоа"га ўтиши кутилмоқда

Россиялик журналист Нобель Арустамяннинг маълумотига кўра, "Пахтакор" ва Ўзбекистон терма жамоаси ўйинчиси ИброҳимҲалил Йўлдошевни "Женоа" харид қилмоқчи.

20 ёшли ҳимоячининг трансфери ёзги трансфер ойнасида амалга ошиши мумкин. Музокаралар билан ProSportsManagement ва Валерио Жуффрид шуғулланмоқда - айнан улар Шомуродовнинг "Женоа"га ўтишида ишлашган эди.

Аммо, Йўлдошев 2021/22 йилги мавсумни Сьёнда ўтказади. Бу Италияга Европа Иттифоқи ташқарисидан легионерлар қўшилиши билан боғлиқдир. Генуя клуби раҳбарияти Швейцариядаги бир йил Йўлдошевнинг фойдасига хизмат қилади деб ҳисобламоқда - у Европага мослашади, тилни ўрганади ва 2022 йилда Генуяга йўл олади.

Яна бир маълумот: "Женоа" ёзда Элдор Шомуродовни сотмоқчи эмас. Клуб Генуядаги яна 6 ой ўзбекистонлик футболчининг нархи кўтарилиши мумкин деган қарорга келди.