Пэдди Пимблетт Гэтжидан қабул қилган мағлубиятига изоҳ берди

"Мен "қафас"дан шу камар билан чиқмоқчи эдим, лекин бусиз ҳам биламанки, мен қаттиққўл жангчиман - буни ҳеч кимга исботлашим шарт эмас. Аммо мағлубиятга учраган эканман, бу Жастин Гэтжига қарши жангда содир бўлганидан хурсандман. Мен UFC’ни томоша қилишни бошлаганимдан бери унинг жангларини кузатишни яхши кўрардим ва у бугун нима учун ҳақиқий афсона эканлигини кўрсатди. Менимча, 48-47 жуда адолатли ҳисоб. Яширмайман - у биринчи раунддаёқ танамни қуёш чигалидан тешиб ўтди ва бу мени қаттиқ ҳолдан тойдирди. Чунки мен шу пайтгача биринчи раундда ҳеч кимга ютқазмаган эдим. Умр бўйи яша - умр бўйи ўқи. 31 ёшдаман ва кучлироқ бўлиб қайтаман. Бу мен учун якун эмас!", - деди Пэдди жангдан кейин Жо Роганга берган интервьюсида.

Лас-Вегасдаги UFC 324 турнирининг асосий жангида тўқнаш келган Пэдди Пимблетт ва Жастин Гэтжи тўлиқ беш раунд мухлисларга ажойиб томоша кўрсатишди. Якунда Жастин ҳакамларнинг якдил қарори билан ғалаба (48-47, 49-46, 49-46) қозонди.