Пэдди Пимблетт октагонга қайтиш муддатини маълум қилди

Агар промоушен Пэдди Пимблеттга жорий йил охиригача бўладиган турнирлардан бирида қатнашишга рухсат бермаса, британиялик енгил вазн вакилининг октагонга қайтиши 2027 йилнинг март ёки апрель ойларидан эрта бўлмаган вақтда содир бўлади.

"Мен ҳозирча нима бўлаётганини билмайман. Кутиш ва кузатишга тўғри келади. Шундай бўлиб чиқиши мумкинки, менинг дивизионимдаги барча жангчилар аллақачон банд бўлиб қолади. Чарльз Лопес билан жанг қилмоқда, Арман Жастин билан жанг қилмоқчи, Макс Холлоуэй эса Конор билан трилогияни якунлаш учун уни кутади.

Шундай чиқиб қолмоқдаки, фақат Илия Топурия бўш қолмоқда ва биз яқин бир неча ой ичида нима бўлишини кўрамиз. Лекин мен ҳеч қачон январь ойида жанг қилмайман, бу аниқ. Агар йил охиригача жанг ўтказмасак, унда бу март ёки апрель ойларида бўлади", – деди Пимблетт "All Out Fighting" каналига берган интервьюсида.

Шунингдек, британиялик жангчи ўз дивизионида ким биринчи рақамли даъвогар эканлиги ҳақидаги саволга жавоб берди.

"Бу менинг ҳал қиладиган ишим эмас, қарор UFC`да қолади. Лекин Арман олтинчи ёки еттинчи рақамлиларни енгиб, бунга лойиқман деб ҳисоблайди, мен эса сўнгги жангимда бешинчи рақамни енгдим. Шахсан мен бу Арман бўлиши керак деб ўйламайман, лекин охир-оқибат нима бўлишини кўрамиз", – дея тушунтирди Пимблетт.

Айни пайтда Пэдди Пимблетт UFC енгил вазн тоифасининг мета-рейтингида бешинчи ўринни эгаллаб турибди. Арман Царукян эса дивизионнинг энг яхши жангчилари рўйхатида ундан уч поғона юқорида бормоқда.