26 янв 16:02
Янгиликлар

Бокс/ММА

Пэдди Пимблеттнинг рафиқаси эрининг соғлиғи ҳақида маълумот берди

Юзи қонга беланган британиялик аралаш яккакураш устаси Лас-Вегасда бўлиб ўтган UFC 324 турнирида Жастин Гэтжига очколар ҳисобига кўра ютқазиб қўйган ва шундан сўнг ижтимоий тармоқларда кўриниш бермаётганди.

Пэдди матбуот билан мулоқот ҳам қилмади. У жангда жиддий жароҳат олганди. Унинг рафиқаси Лаура британиялик енгил вазнли спортчи шифохонага борганидан кейин ўзини қандай ҳис қилаётганини мухлисларга айтиб берди.

"Биз абадий биргамиз. Барча сўровчилар учун: унинг аҳволи мутлақо яхши ва у қайтиб келади", деб ёзган Лаура Пимблетт ижтимоий тармоқда турмуш ўртоғи билан бирга тушган суратини эълон қилиб.

Гэтжи ва Топурия ўртасидаги жанг бўлиб ўтадими ёки йўқ, ҳозирча номаълум. Чунки барча сигналлар "Эл Матадор" ушбу жангдан кўра Ислам Махачевга қарши ярим ўрта вазн тоифасидаги чемпионлик жангини афзал кўриши мумкинлигини кўрсатмоқда.