Педрига Иньестанинг рақами ишониб топширилмоқда

Педри келаси мавсумдан бошлаб 8-рақамли либосда ҳаракат қилади. Аввалроқ Каталония клубида ушбу рақам остида афсонавий Андрес Иньеста тўп тепган.

16-рақамда ўйнаган хавбек ўтган мавсум ўрталарида бу рақам остида ўйнашни хоҳлашини бир неча бор таъкидлаган, аммо уни Дани Алвес банд қилганди.

"Бундай рақамдаги либосни буюк инсонлар кийишган, айниқса, мен учун алоҳида аҳамиятга эга бўлган Иньеста ёки Христо Стоичков кабилар... Улар клуб учун жуда кўп иш қилган инсонлардир", – деди Алвес мавсум якунланганидан кейин.

Эндиликда Педрида Каталония клуби тарихига ўз номини ёзиш имконияти бор.