10 окт 16:39
Янгиликлар

Бокс/ММА

Перейранинг ғалабасига миллион доллар қўйган Макгрегор UFC`нинг тақиқ қоидасини бузди

Икки вазн тоифасида собиқ UFC чемпиони Конор Макгрегор яримоғир вазнда амалдаги промоушен чемпиони Алекс Перейранинг жангидан яхшигина пул ютиб олди.

Ирландиялик бразилиялик чемпионнинг даъвогар Халил Раунтрига қарши кечган жангида нокаут ёки техник нокаут билан ғалаба қозониши учун бир миллион АҚШ доллари миқдорида "ставка" қилганди. Жангнинг тўртинчи раундида Алекс рақибини техник нокаутга учратди. Бу эса Конорга 200 минг доллар келтирди.

"Ким таваккал қилмаса, шампан виноси ичмайди", - деди Макгрегор.

Қизиғи, кейинчалик Конор Макгрегор тотализаторда пул ютиб олгани ҳақида ёзган хабарини ўчириб юборган. Боиси, 2022 йилдан эътиборан UFC ўз жангчиларига промоушен томонидан ўтказиладиган жангларга пул тикишни тақиқлаб қўйган. Конор эса қоидани бузган ҳолда Алекс Перейранинг ғалабасига миллион доллар пул тикди.