08 июл 11:45
Янгиликлар

Бокс/ММА

Петр Ян - Алжамэйн Стерлинг реванш жанги муддати айтилди

Енгил вазнда UFC чемпиони, америкалик Алжамэйн Стерлинг ҳамда ушбу камарнинг собиқ соҳиби, россиялик Петр Ян ўртасидаги реванш жанги кутилганидан аввалроқ ўтказилади.

Бу ҳақида ташкилот президенти Дана Уайт UFC Arabia каналига берган интервьюсида маълум қилди.

"Ҳа, бу жанг ўтказилади. Катта эҳтимол билан октябрь ойида мухлислар чемпионлик жангига гувоҳ бўлишади. Демак, реванш жанги кутилганидан аввалроқ ташкил этилади", - деди Уайт.

Эслатиб ўтамиз, шу йилнинг март ойида ўтган жангда Алжамэйн Стерлинг ушбу вазнда янги UFC чемпиони деб эълон қилинганди. Бунга Петр Яннинг тақиқланган зарба бергани учун дисквалификация қилингани сабаб бўлганди.

Таъкидлаш жоиз, 30 октябрь куни промоушеннинг UFC 267 турнири ўтказилади. Оқшомнинг марказий жангида яримоғир вазнда UFC чемпиони Ян Блахович даъвогар Гловер Тейшейрага қарши октагонга кўтарилади.