Петр Ян UFC рейтингида Нурмагомедовдан ўтиб кетди

Ушбу вазнда собиқ UFC чемпиони Петр Ян янгиланган расмий рейтингда бир поғонага юқорилаб, иккинчи ўринга кўтарилиб олди. Бу билан Ян ватандоши Умар Нурмагомедовни учинчи поғонага тушишга мажбур қилди, яъни ўзига хос рокировка бўлди. Умар якшанба тонгида грузиялик чемпион Мераб Двалишвилига имкониятни бой берганди.

Мераб Двалишвилининг ўзи UFC 311 турниридаги ғалабасидан кейин вазн тоифасидан қатъи назар P4P UFC рейтингида икки поғона юқорилаб, бешинчи ўринга кўтарилди. Бу борада у UFC чемпионлари Белал Муҳаммад ва Дрикус Дю Плессини ортда қолдирди. 

Айни пайтда ўта енгил вазн тоифаси рейтингида америкалик Шон О’Мэлли биринчи ўринни банд этган. Айнан у Мерабнинг чемпионлик камари учун асосий даъвогар бўлиб турибди. Шон О’Мэлли ўтган йилнинг сентябрида айнан Двалишвилига очколар ҳисобига кўра ютқазиб, камарини бой берганди. Петр Ян эса ноябрь ойида кетма-кет иккинчи ғалабасини қўлга киритганди. У бразилиялик Дейвесон Фигередони таслим этганди.