Петр Яннинг секунданти тиззаси билан зарба беришни маслаҳат берди. Нега ва нима учун? Мана уларнинг суҳбати

Бурчакдагиларнинг қўпол хатоси

Петр Ян кеча илк ҳимоя жангида камаридан айрилди. У жангда мағлуб бўлмади, бироқ тақиқлаган зарбани йўллаши оқибатида ҳакамлар шундай қарорга келишди. Ян бундай йўл тутишини жамоадошларининг маслаҳатига амал қилгани билан изоҳлади.

Янни чемпионлик жангига тўрт мураббий одам тайёрлади: Улар бокс мураббийи Жон Хатчинсон, жиу-житсу мураббийи Маркос Да Матта ҳамда спаринг дўстлари Денис Лаврентев ва Алексей Сокорин. Унинг жангларида секундант бўлиб икки рус ишлаган.

Энди бўлган вазият ҳақида. ММА қоидаларига кўра ҳимояланувчининг қўли ёки оёқларидан бири таянч вазифасини бажараётган вақтда тизза ёки оёқ билан унинг бошига зарба бериб бўлмайди. Мана шундай кўринишда:

Бу ҳолатда Хабиб Дастинга оёқ билан зарба бериши мумкин эмас эди, чунки америкаликнинг қўли канвасни ушлаб турганди. 

Жанг якунидан сўнг Ян рақибининг қўлига эътибор берганини ва шу сабабли зарба йўллаганини айтганди. 

Бу ердаги суратда Стерлингнинг қўли ерда эди ва шу сабабли ҳам Янда зарба бериш имкони йўқ эди. 

Бироқ Стерлинг маълум вақтдан сўнг қўлини олди ва ўша вақтда Ян жамоадошларидан зарба бериш мумкин ёки мумкин эмаслигини сўради.

- Теп, теп!

- Тизза биланми?

- Ҳа!

Шу жавобдан сўнг Ян зарба йўллади. Лекин бу кўрсатма россияликни камаридан маҳрум қилди. 

Мана бу ҳолатда Петр зарба йўллади ва бу ерда кўриниб турганидек, Стерлингнинг тиззаси ерга тегиб турганди. 

Ян учун энди иккита  йўл бор. Биринчиси, ташкилот раҳбари айтганидек, улар ўртасида реванш жанги ташкил этилади.

Иккинчида эса, агар Яннинг вакиллари зарба берилган вақтда тизза ерда бўлмаганини исботлай олишса, техник мағлубият нокаутга ўзгаради ва Янга UFC камари қайтариб берилади. 

Катта эҳтимол билан воқеалар ривожи иккинчи вариантда бўлмаслиги деярли 90 фоизга аниқ...