24 ноя 10:57
Янгиликлар
Теннис
ПФЛ бош директори Япония Профессионал Футбол Лигаси раҳбари билан учрашув ўтказди
25 ноябрь куни Япониянинг Сайтама шаҳрида бўлиб ўтадиган Осиё Чемпионлар лигаси финал баҳсини бевосита стадиондан кузатиб бориш учун Ўзбекистон Профессионал Футбол Лигаси бош директори Омон Ғофуров Японияга жўнаб кетгани ҳақида аввал хабар бергандик.
Омон Ғофуров бугун Япония Профессионал Футбол Лигаси раҳбари Мицуру Мураи билан расмий учрашув ўтказди.
Учрашув давомида Ўзбекистон Футбол Федерацияси ва Япония Футбол Ассоциацияси ўртасида 17 ноябрь куни имзоланган меморандум асосидаги ҳамкорлик масалалари муҳокама қилинди.
Шунингдек, Япония Профессионал Футбол Лигаси томонидан ўтказилаётган мусобақалар тартиби, маркетинг, ҳомийлик масалалари ўрганилди ва тажрибалар ўртоқлашилди.
Бундан ташқари, Мицуру Мураи ПФЛ Бош директори Омон Ғофуровни Япония Профессионал Футбол Лигаси томонидан клублар олдига қўйиладиган талаблар, бу талабларни бажариш учун клублар томонидан амалга оширилаётган чора-тадбирлар билан ҳам яқиндан таништирди.
Ҳавола :
Манба : the-uff.com
Фикрлар