27 ноя 09:12
Янгиликлар

Бошқалар

Пискентда Ўзбек жанг санъати бўйича вилоят биринчилиги ўтказилди + ФОТО

Кеча Тошкент вилоятининг Пискент туманидаги болалар-ўсмирлар спорт мактабида 2006-2013 йилларда туғилган ўғил болалар ва қизлар ўртасида Ўзбек жанг санъати бўйича “Янги Ўзбекистон – Янгича дунёқараш” шиори остида Тошкент вилояти биринчилиги беллашувлари бўлиб ўтди.

Тошкент вилояти жисмоний тарбия ва спорт бошқармаси ҳамда Ўзбек жанг санъати федерациясининг вилоят бўлими тақвим-режасидаги мазкур “Янги Ўзбекистон – Янгича дунёқараш ” шиори остида ўтказилган мусобақада вилоятнинг барча туман ва шаҳарларидан 400 нафар ёш спортчилар ўз вазн тоифаларида ғолиблик учун куч синашишди.

Кун давомида муросасиз ва шиддатли жангларга бой тарзда ўтган мусобақада умумжамоа ҳисобида энг кўп медалларни қўлга киритган Пискент тумани жамоаси фахрли биринчи ўринни эгаллади. Иккинчи ўрин Ўртачирчиқ тумани ўқувчиларига, учинчи ўрин эса Чиноз тумани жамоасига насиб этди.