Полиция Винисиусга банан отган мухлисни қидирмоқда

Аммо ҳамма ҳам ҳис-туйғуларини назорат қила олмади.

AS нашрининг хабар беришича, учинчи голни нишонланиш пайтида "Альбасете" мухлислари жойлашган трибуналардан Винисиус Жуниор томон банан улоқтирилган. Дастлаб бу ҳолат эътиборсиз қолган, жумладан бразилиялик футболчининг ўзи ҳам бунга аҳамият бермаган. Бироқ кейинчалик маълум бўлишича, бу воқеа федерация вакилининг расмий ҳисоботида қайд этилган.

Юз берган ҳодиса ҳақида "Альбасете" ҳам хабардор қилинган ва клуб полиция билан бирга айбдор шахсни аниқлаш ишларини бошлаган. Шунингдек, ўйиндан олдин ҳам бразилиялик футболчи маҳаллий мухлислар томонидан ирқий камситишларга дуч келган ва унинг шаънига номақбул қўшиқлар айтилган.