Польшалик гроссмейстер Ян Дуда Самарқанддаги ЖЧ доирасидаги ўйин пайтида россиялик рақибига қўл узатишни истамади + ВИДЕО

Ушбу мусобақанинг рапид йўналишида ўтказилган польшалик Ян-Кшиштоф Дуда ҳамда ФИДЕ байроғи остида иштирок этган россиялик Денис Хисматуллин баҳсида ноодатий воқеълик юз берди.

Яъни, партия аввалида россиялик гроссмейстер Денис Хисматуллин рақибига қўл узатди. Дуда эса унга қўл узатишни истамади. Қизиғи, бу ҳолатда рус спортчиси этика қўмитасига ҳеч қандай эътироз билан мурожаат қилмади.

Регламентга кўра, ФИДЕда қўл бериб кўришиш шахматчилар учун тартибга солинган маросим эмас ва буни рад этиш шахматчиларга санкция қўллаш учун асос бўлмайди. Аммо бундай ҳолатда ФИДЕ Этика қўмитасига шикоят қилинган тақдирда, шахматчига жазо қўлланади.

ФИДЕ Дуда-Хисматуллин вазиятини қуйидагича изоҳлади:

"Қўлини узатишдан бош тортган рақиб иши Этика қўмитасига мурожаат қилинганидагина қаноатлантирилиши мумкин. Дуда ва Хисматуллин билан боғлиқ вазиятда эса бундай баёнот келтирилмаган", - дейилади ФИДЕ вакилининг изоҳида.

Эслатиб ўтамиз, мазкур ўйин дуранг билан якунланган эди.