Полвонларимиз Ашхободда 32 та медалга эга бўлдилар

Келаси йил Туркманистон пойтахтида ташкил этиладиган Ёпиқ иншоотлардаги Осиё ўйинлари олдидан кўрик вазифасини ўтаб берган турнирда қитъамизнинг 16 давлатидан полвонлар гиламга чиқди.

Беллашувлар тўрт йўналишда тўрт кун давом этди. Иштирокчилар белбоғли курашимизнинг классик ва эркин (бунда оёқан чалиш бор) йўналиши ҳамда туркман курашининг эркин ва классик йўналиши бўйича ўзаро куч синашдилар.

Мусобақада терма жамоамизнинг 13 эркак ва 5 нафар аёл спортчилари иштирок этишди ва улар 4 та олтин, 5 та кумуш ва 23 та бронза медали билан мезбонлардан сўнг умумжамоа ҳисобида иккинчи ўринни банд этдилар. Кучли учликдан эса қирғизистонлик спортчилар ўрин олишди.