Полвонларимиз МДҲ ўйинларида корэш бўйича 9 та медаль қўлга киритишди + ФОТО

Мусобақа дастуридан Татаристон кураш спорт тури, яъни корэш ҳам ўрин олган бўлиб, ушбу беллашувларда Ўзбекистон Бел олиш ва уч кураш ассоциацияси томонидан 10 нафар спортчиларимиз Носир Азизов бош мураббийлигида иштирок этишди.

Қувонарлиси, терма жамоамиз аъзоларидан 4 нафари кумуш, 5 нафари бронза медалини қўлга киритиб, умумжамоа ҳисобида фахрли учинчи ўринни эгаллашга муаффақ бўлишди. 

Бироқ, терма жамоа бош мураббийи Носир Азизовнинг таъкидлашича, натижалар бундан ҳам юқори бўлиши мумкин экан. Боиси, 70 кг.да Мангуберди Имянов ҳамда 75 кг вазн тоифаси финалида курашган Ҳусан Абдуҳакимовнинг россиялик рақибларига нисбатан яққол устунликка эришган, аммо мусобақа ҳакамлари томонидан спортчиларимизнинг натижалари эътиборга олинмаган. Шу тариқа ҳар иккала спортчимиз кумуш медаллар билан чекланган.

Биринчи МДҲ ўйинларининг корэш мусобақасида медалларга эга бўлган полвонларимиз:

Кумуш медаль соҳиблари:

70 кг. Мангуберди Имянов

75 кг. Ҳусан Абдуҳакимов

100 кг. Учқунжон Хурсандов

Мутлоқ вазн. Илёсбек Обиджонов

Бронза медали соҳиблари

65 кг. Абдураҳмон Эгамов

80 кг. Муҳаммадкарим Каримов

85 кг. Акмалжон Ҳакимов

90 кг. Умиджон Жалилов

120 кг. Асадбек Зокиров