23 июн 08:50
Янгиликлар
Бошқалар
Полвонларимиз Туркманистонга йўл олишди
25-27 июнь кунлари Туркманистон пойтахти Ашхобод шаҳрида белбоғли кураш бўйича нуфузли мусобақа ўтказилади.
Бўлажак халқаро турнирда юртимиз шарафини жами 18 нафар (5 нафар аёл, 13 нафар эркак) полвонимиз ҳимоя қилади. Терма жамоа таркибидан Бобур Тўхтасинов, Ҳусниддин Рўзиев, Элбек Сотиболдиев, Зоҳид Исмоилов каби жаҳон чемпионатининг ғолиб ва совриндорлари ҳамда ёш умидли спортчиларимиз жой олган.
Кеча терма жамоа делегацияси аъзолари Ашхобод шаҳрига йўл олишди. Ушбу халқаро мусобақа келаси йили айнан Туркманистонда ўтказиладиган Ёпиқ иншоотлардаги Осиё ўйинлари ҳамда Бутунжаҳон Талабалар Универсиадасига тайёргарлик вазифасини ўтаб беради.
Ҳавола :
Манба : olamsport.com
Фикрлар