15 июн 12:32
Янгиликлар

Бокс/ММА

Порье бекор бўлган Макгрегор - Чендлер жангига реакция билдирди

Енгил вазн тоифасида UFC чемпионлик камари учун собиқ даъвогар Дастин Порье UFC 303 турнирининг бекор бўлган марказий жангини беэътибор қолдирмади.

Икки вазнда собиқ UFC чемпиони Конор Макгрегорнинг машғулотда орттириб олган жароҳати сабаб унинг Майкл Чендлерга қарши жанги кечроқ муддатга қолдирилганди. Америкалик аралаш яккакураш устаси бу ҳолатга ўз муносабатини билдирар экан, эътиборини Конорнинг UFC 302 турнири учун сотилган пуллик трансляциялар устидан кулганига қаратди.

"Тешкулчанинг тешиги – бошқа ҳеч нарса эмас", - дея ўзининг ижтимоий тармоқдаги саҳифасида хабар қолдирган "Бриллиант".

Аввалроқ, UFC раҳбари Дана Уайт UFC 303 турнирининг марказий жанги яримоғир вазн тоифаси чемпионлиги учун бразилиялик Алекс Перейра ҳамда чехиялик Иржи Прохазка ўртасида бўлиб ўтишини расман эълон қилганди. Макгрегор - Чендлер жанги эса август ёки сентябрь ойларида бўлиб ўтади.