12 сен 20:46
Янгиликлар
Бокс/ММА
Порьенинг Хабибга қарши жангдаги футболкаси аукционда сотилди
Енгил вазн тоифасида собиқ вақтинчалик UFC чемпиони америкалик Дастин Порьенинг чемпион Хабиб Нурмагомедовга қарши кечган жангидаги футболкаси кимошди савдосида сотилди.
Бу ҳақда Хабибнинг отаси Абдулманап Нурмагомедов хабар берди. 7 сентябрь кунги жангдан сўнг Нурмагомедов ва Порье футболкаларини ўзаро алмашишган эди. Хабиб матбуот анжуманида Порьенинг футболкасини аукционда сотиши ва ундан тушган пулни айнан Дастиннинг хайрия йўлидаги лойиҳаларига сарфлашини айтган эди.
"Дастин Порьенинг футболкаси кимшоди савдосида жуда қимматга сотилди", - дея ўз Инстаграм саҳифасида хабар қолдирган Абдулманап Нурмагомедов.
Шу билан бир қаторда Порьенинг The Good Fight хайрия жамғармаси ҳам 25 000 доллар ишлаб топган. Барча пуллар хайрия ишларига сарфланади.
Ҳавола :
Фикрлар